多啦A夢係好多香港人嘅童年回憶，嚟到東京玩，千祈唔好錯過全球首間多啦A夢官方商店😆  —  多啦A夢未來百貨公司！未來百貨特別用紅磚建築打造精緻裝潢，令你猶如置身喺歐洲嘅百貨店！

商店中除咗各式各樣嘅多啦A夢商品，仲有深受大小朋友喜愛嘅遊戲體驗區「秘密道具體驗區」，遊戲主題都係採用多啦A夢中著名嘅法寶同物品，例如擲銅鑼燒、空氣炮射擊、模擬使用竹蜻蜓係空中飛翔等，十分值得一試㗎☺️～喺出售各種精品嘅「商品販售區」，集合咗一般發售、店鋪限定、先行發售嘅叮噹商品等等，粉絲們一定會買到手軟啊🛍️！

呢度仲有兩項服務，一項係訂製商品，可以用可愛嘅多啦A夢字體製作加上專屬名字嘅任意門、客製化衣服、手帕、吊飾等；另一項係寄明信片，買完限定郵票寫好明信片後交畀工作人員代寄，會蓋上限定嘅多啦A夢郵戳，仲可以選未來郵寄服務，選定喺指定日期寄出㗎📮！