日本嘅大自然景色真係無得輸，無論係櫻花、粉蝶花定繡球花，每一個季節都有屬於自己嘅風景，而當中最受歡迎嘅非楓葉莫屬。京都作為人氣賞楓熱點，今日 LTrip 就同大家介紹一下京都賞楓名所啦！
去京都睇楓葉，絕對唔可以錯過東寺！東寺位於京都東站附近，係京都最古老嘅寺廟，比較特別嘅係可以欣賞夜楓，夜楓入場時間係傍晚 6 點半，主要開放嘅區域包括「五重塔」、「講堂」同埋「金堂」一帶，橙紅嘅楓葉加上燈光效果，喺黑夜之中睇到不一樣嘅楓葉，好似去咗仙境咁，非常值得一睇！
另一個必去嘅賞夜楓嘅景點係梅小路公園嘅朱雀之庭，距離京都車站約15分鐘路程，被形容係賞楓聖地。「朱雀之庭」係為咗紀念平安建都1200年而建造的庭院，入面有大概150棵楓樹，紅葉喺燈光嘅映照下，再倒映喺庭院的池塘中，形成天空之鏡嘅效果，有著同白天時不同嘅美，非常值得一看，喺庭院之中漫步，別具詩情畫意。
如果你想睇一整排楓葉，感受絕美景觀嘅震撼，就一定要去水杉林蔭大道喇！2.4km 嘅道路兩旁並列著500棵水杉樹，四季都呈現唔同樣貌吸引到訪遊客，紅黃相間嘅杉樹築起咗一條紅葉隧道，可以踩單車又或者沿住大道漫步影相非常浪漫。 水杉林蔭大道更被列為「新・日本街路樹百景」與「日本紅葉名所百選」，非常壯麗，絕對唔可以錯過！
到京都嵐山睇楓葉，相信大家都唔會錯過天龍寺，而旁邊嘅寶嚴院亦都係另一個非常值得推薦嘅景點。作為天龍寺分寺之一，寶嚴院平時都唔會隨便開放，所以一定要把握楓葉季嘅機會入內參觀。一入內會見到三尊石・苦海・獣石等庭園景致，亦會經過無畏庵、獅子岩等景致，喺枯山水及奇石下欣賞楓葉，古色古香更有雅致，係非常難得嘅體驗！
想去日本睇楓葉，當然要早啲計劃定啦！LTrip 為你準備「日本京都戀楓5天團 」，帶你去多個人氣景點賞楓，唔使自己搵交通咁麻煩，玩得盡興好多！
行程一覽：https://www.ltrip.com/git/AJRED05
